Jatkuvasti muuttuvassa mailmassa meitä oon monta jokka haema mitä oon ollu. Met haema paikka missä saatama löytää yhtheyttä, turvaa ja lämpöä. Paikka, mikä tuntuu tutulta.

Koti, minkä monet tunteva ette het oon menettänheet, koti mikä muutamat meinaava oon heiltä vietty. Toiset hakeva kotia mikä heilä olis pitäny olla, eli halvava löytää yhtheyen mitä net oon kaivanheet pitkhään.

Tämä näyttely kertoo kotia palamisesta. Joskus kautta uusvallotuksen siittä mikä oon ryövätty, joskus ottamalla vallan ette itte määrätä oman kuuluvaisuuen ja ussein sen kautta ko hakkee takasi juuhriinsa.

Kotimatka – tie kotia oon kiertonäyttely rathaitten päälä, mikä selittää ihmisistä ja kulttuurista Tornionlaaksossa ja meänkielisten keskelä ja kans valtion loukkauksista tornionlaaksolaisia ja meänkielisiä kohi 1800- ja 1900-luvula.